Kryeministri Rama ka vijuar të postojë në rrjetet sociale qëndrimet e një pjesë të aktoreve dhe artistëve të njohur në vend për teatrin kombëtar.

Këtë herë ai ka bërë publik qëndrimin që ka mbajtur mbi prishjen e godinës së teatrit kombëtar, aktori Ndricim Xhepa.

Rama shkruan se Xhepa është ngjitur me mijëra herë në skenën e teatrit kombëtar, ndryshe nga disa të tjerë sipas kryeministrit, që rolin më të spikatur në karrierën e tyre e kanë atë të proteestuesit për të mbrojtur një Turp Kombëtar, sic e quan kreu I qeverisë, godinen e këtij institucioni.

 

Rama shton se edhe Ndricim Xhepa është demokrat I orëve të para dhe nuk është një figure e lidhur me PS.

 

 

Ndriçim Xhepa ka bërë histori me peshë të posaçme në skenën e Teatrit Kombëtar. Ai është ngjitur me mijëra e mijëra herë në atë skenë dhe ka të drejtën e një nostalgjie mijëra e mijëra herë më të fortë, se sa disa figura që rolin e tyre më të spikatur në karrierën teatrale, kanë atë të protestuesit për mbrojtjen e një Turpi Kombëtar, siç është sot gërmadha që gabimisht quhet akoma teatër kombëtar! Edhe Ndriçim Xhepa, sa për kujtesë, është një demokrat i orëve të para, të cilin s’e ka lidhur kurrë asgjë me Partinë Socialiste, pavarësisht se si qytetar i nderuar që është në radhë të parë, ai s’ka bërtitur apo sharë ndonjëherë në publik, siç bëjnë demokratikasit e dalluar shqiptarë. Ja çfarë mendon aktori ynë i madh, për çështjen e teatrit dhe ja se sa thjeshtësisht bukur, e sheh ai edhe ruajtjen e historisë së teatrit kombëtar. E cila s’ka asnjë lidhje me muret prej tallashi të karakatinës së “Dopo Lavoros”, ndërtuar nga ushtria italiane, si një ngrehinë e përkohshme për argëtimin pas pune.

 

 

Më poshtë Rama poston edhe qëndrimin publik të aktorit të njohur:

 

 

NDRIÇIM XHEPA:

 

 

Duke pasur parasysh kondicionet në të cilat është ndërtuar kjo ndërtesë nga italianët, vitet që kanë kaluar mbi afatin e ekzistencës së saj, pra, trefishi i kohës, duhet prishur dhe duhet të ngrihet një godinë e re. Dhe vlerat e traditës së këtij institucioni për më shumë se 70 vjet, duhet të ruhen me fanatizëm nëpër arkiva të një teatri serioz sepse kam përshtypjen se nuk jemi aq të respektueshëm dhe dinjitozë në ruajtjen e vlerave të gjeneratave të kaluara, ashtu si ndodh në çdo institucion dinjitoz europian. Janë këto disa probleme, që unë i konstatoj prej shumë vitesh në institucionin ku punoj prej 37 vitesh.

Leave a Reply

Your email address will not be published.