Këshilli i Lartë Gjyqësor vendosi te pezulloje të gjitha veprimtaritë dhe shërbimet në gjykatat e Durrësit, Tiranës dhe Lezhës, për shkak të gjendjes së fatkeqësisë natyrore të ndodhur nga tërmeti i 26 nëntorit.
Ndersa veprimtaritë që lidhen me natyrë të ngutshme, shqyrtimi i të cilave mund të zhvillohet edhe në ambiente të tjera jashtë gjykatës, përjashtohen nga ky vendim.
Kohëzgjatja e pezullimit do të jetë deri në momentin kur autoritetet përgjegjëse të bëjnë vlerësimin e kushteve ekzistuese dhe të garantohet eliminimi i çdo rreziku të mundshëm që mund çojë në dëmtim të jetëve njerëzore e po ashtu edhe të pronës.