Kryeministres së Finlandës Sanna Marin i janë publikuar disa video nga një festë e shfrenuar me miqtë e saj, si dhe një video duke kërcyer sëbashku me një modele.
Marin, për mediat vendase ka folur për publikimin e këtyre pamjeve, për të cilat shprehet se : “Unë jam njeri”.
Me lot, Sanna Marin tha se edhe ajo ndonjëherë dëshiron “për gëzim, dritë dhe argëtim mes reve të errëta”.
36-vjeçarja, kryetarja më e re e qeverisë në botë kur u zgjodh në vitin 2019, shtoi: “Nuk kam humbur asnjë ditë pune. Unë dua të besoj se njerëzit do të shikojnë atë që bëjmë në punë dhe jo atë që bëjmë në kohën tonë të lirë.”
Ajo tha se nuk kishte lënë “asnjë detyrë të vetme pa bërë – dhe as këtë nuk do ta lë në mes. Po mësoj. Por unë po e bëj punën time ashtu siç e kam bërë deri tani. Unë jam duke menduar për Ukrainën, unë jam duke menduar për ju dhe unë jam duke bërë punën time.”
