Një aksident i rëndë ka ndodhur këtë të shtunë në aksin Shkodër-Koplik në afërsi të fshatit Grizhë.
Bëhet me dije se si pasojë e përplasjes së tre automjeteve ka humbur jetën Zef Marvukaj, i cili ishte transportuar me urgjencë në spitalin e Shkodrës por nuk ka mundur të mbijetojë për shkak të plagëve të marra.
Njoftimi:
Rreth orës 16:25, në aksin rrugor “Shkodër–Koplik”, në fshatin Grizhë, automjeti me drejtues shtetasin A. M. është përplasur me automjetin me drejtues shtetasin V. X. dhe më pas me automjetin me drejtues shtetasin E. Gj.
Si pasojë e aksidentit, ka humur jetën në Spitalin Rajonal Shkodër shtetasi Z. M., pasagjer në automjetin me drejtues shtetasin A.M., dhe janë dëmtuar lehtë dy drejtuesit e automjeteve dhe pasagjerja shtetasja Gj. M., të cilët ndodhen në Spitalin Rajonal Shkodër, jashtë rrezikut për jetën.
Grupi hetimor, nën drejtimin e Prokurorisë, po punon për sqarimin e rrethanave të aksidentit.
