Anis Mehmeti po jeton ëndrrën në Angli, pasi duke nisur nga sezoni i ardhshëm do të jetë futbollisti i dytë i kombëtares shqiptare që do të luajë në Premier League pas Armando Brojës.
Ipsuiçi i Anis mehmetit sezonin e ardhshëm do të luaj mes më të mirave në Angli, pasi arriti të pozicionohej në vendin e dytë në fund të kampionatit në Championship.
Mehmeti u aktivizua në minutën e 71-të të duelit, dhe u bë protagonist te aksioni i golit të tretë që erdhi pas një insistimi të tij.
Më pas ai përjetoi momentet emocionuese të vërshëllimës përfundimtare kur tifozët pushtuan fushën dhe festuan me ekipin, duke mbajtur lojtarët në krahë si heronj.
