Ish-ministri i Bujqësisë kërkon nga shteti shqiptar që të përgatitet për një rikthim të mundshëm të koronavirusit në vjeshtë dhe në dimër.
Gjatë një interviste për edicionin e lajmeve në “Vizion Plus”, Panariti deklaroi se duhet të sigurohen rezervat bazë ushqimore në rast se paralizohet tregtia ndërkombëtare.
“Mund të kemi një riciklim të një faze të dytë COVID në vjeshtë dhe në dimër dhe kjo do të çojë në një paralizë të tregtisë ndërkombëtare. Prandaj kërkova që të mbushim rezervat e shtetit me rezerva me miell, me bukën e përditshme, për tu përgatitur për të përballuar një situatë të paparashikueshme.”
I pyetur për nismën e kryeministrit Edi Rama për të legalizuar hashashin për qëllime mjekësore, Panariti tha se kjo bëhet për të tërhequr vëmendjen nga problemet e tjera.
“Unë jam skeptik sepse kam të gjitha arsyet të medoj se kjo është njË lëvije për të tërheuqr vëmendjen nga problemet reale që ka vendi. Jemi në një krizë që po thellohet. Hidhet kjo dshashkë si gjoja zgjidhja e problemeve. Kjo nuk do të jetë zgjidhja e problemeve të Shqipërisë. Legalizimi i hashashit do të thotë një amnisti për ato parcela me hashash që ndodhen aty. Ti hedh idenë e hashashit mjekësor kur ke akoma plagën e hapur.”
Sa i takon çështjes së Teatrit Kombëtar, ish-deputeti i LSI deklaroi se gjithçka bëhet për qëllime korruptive. Ndërsa gjobitjen e kryetares së LSI, Monika Kryemadhi, ai e cilësoi një komedi.
“Kjo është një komedi brenda një drame. Drama është kërcënimi për asgjësimin e një vlerfë historike, të një pasurie kombëtare siç është Teatri kombëtar që ka qenë edhe një atraksion turistik i lançuar edhe në siten e Bashkisë së Tiranës. Tashmë është mobilizuar psuhteti lokal për ta asgjëshuar në emër të një teatri të ri, por kanë qëllime të tjera, kanë interesa shumë më të mëdha të karakterit korruptiv. Ana komike është gjobitja e kryetares sonë dhe e një grupi deputetësh. Kjo nisi me gjobitjen e kryetarit të opozitës. Kjo është një gjë shumë qesharake.”
