Ish-ministri i LSI, Edmond Panariti deklaroi se me rritjen e borxhit publik, shqiptarët do të varfërohen më tej.
Ai tha në “Facebook” se për të paguar borxhin, do të rriten taksat, do të ketë më pak fonde për sektorët e bujqësisë, shëndetësisë e arsimit si edhe do të pezullohen rrogat e pensionet.
“Borxhi i lartë publik është skllavërim i vendit! Pagesat e borxheve të huaja dhe e faturave të koncesioneve do ti “thajnë” paratë e buxhetit që në thelb janë paratë tona. Janë paratë e shqiptarëve, paratë tona që do të paguajnë atë. Sepse nuk ka burime të tjera! Borxhe, që po përdoren për investime jo produktive, për infrastrukturë rrugore jashtë standartit me çmime tre herë më të larta se mesatarja Evropiane. Ndërkohë që fqinji ynë jugor i ndërtoi rrugët dhe urat me paratë e Evropës. Por nga do të dalin këto para? Këto para do të dalin nga taksa më të larta,nga ngrirja e rrogave dhe pensioneve , nga shkurtimi i fondeve për shëndetësi, arsim. bujqësi. Derisa nuk mban më dhe të dalësh në ankand ndërkombëtar për tu blerë “me gjithë lecka”.”
Edmond Panariti tha se pasojat e kësaj do të jenë rritja e varfërisë, e papunësisë dhe zbrazja e vendit.
