Pacolli për anëtarësimin në INTERPOL: Lufta kundër krimit të organizuar, synimi ynë

Ministri i Jashtëm i vendit, Behgjet Pacolli ka deklaruar se është konfirmuar agjenda e samitit të INTERPOL-it, dhe pika ku Kosova aplikon për të qenë anëtarë.

Pacolli është shprehur se lufta kundër krimit të organizuar dhe terrorizmit është synimi i Kosovës.

Përmes një postimi në Facebook, kreu i diplomacisë kosovare shkruan se votimi për anëtarësimin e Kosovës do të bëhet të martën.

“Fillim i mbarë. U konfirmua agjenda e samitit të Interpolit dhe pika ku Kosova aplikon për të qenë anëtar. Lufta kundër krimit të organizuar ndërkombëtar dhe terrorizmit është synimi ynë. Votimi do të ndodhë të martën.”