Rritja e masave të sigurisë në veri të Kosovës ka vënë në alarm Beogradin. Drejtori i Zyrës për Kosovën, Petar Petkoviç deklaroi se policia nuk ka të drejtë të shkojë në veri dhe se Serbia do të shqyrtojë dërgimin e forcave të saj të sigurisë në Kosovë.
PETAR PETKOVIÇ
DREJTORI I ZYRËS PËR KOSOVËN
Albin Kurti vazhdoi me veprime të paligjshme dhe të dhunshme me qëllim pushtimin e veriut të Kosovës. Beogradi do të shqyrtojë kthimin e deri në 1000 pjesëtarëve të forcave tona të sigurisë në Kosovë në përputhje me Rezolutën 1244.
Petkovic theksoi se forcat speciale nuk kanë të drejtë të jetë të jenë të pranishëm në veri. Ndërkohë, presidenti Vucic është takur me ministrin e Mbrojtjes dhe Shefin e Shtabit të Përgjithshëm të Forcave të Armatosura të Serbisë.
“Natën dhe ditën me ministrin e Mbrojtjes, Millosh Vuçeviç dhe shefin e Shtabit të Përgjithshëm të Forcave të Armatosura, Milan Mojsiloviç. Nuk ka dorëzim”, – ka shkruar Vuçiç në rrejtet sociale.
Retorika për mosdorëzim të serbve është e njohur për Vuçiç i cili edhe me herët ka pohuar se serbët nuk do ti binden Prishtinës. Madje pas dorëheqjeve masive nga institucuonet e Kosovës, presidenti serb dekoroi disa prej atyre që u larguan.
