Pishat madhështore ombrellë në Romë janë po aq pjesë e peizazhit sa ndërtesat e vjetra dhe rrugët me kalldrëm. Mirëpo, ato janë nën kërcënim e insekteve të vogla (toumeyella parvicornis), të cilat kanë pushtuar pishat.
Agronomi Franco Milito paralajmëroi se: “Nëse nuk bëjmë gjë, pishat e Romës do të shkatërrohen. Ne duhet të kujdesemi për to”.
Insektet, me origjinë nga Amerika e Veriut, mund të vrasin pemë tashmë të dobësuara nga mjedisi urban brenda vetëm dy ose tre vjetësh, thanë ekspertët.
Ndërkohë, kreu i shoqatës së agronomëve në Romë, Patrizio Zucca kërkon një ndërhyrje urgjente.
Toumeyella parvicornis është rreth tre milimetër i gjatë dhe ka një guaskë ovale në të kuqërremtë që i ngjason një breshke.
Ky lloj insekti, i cili vepron si një “vampir i vogël”, ishte i panjohur në Itali deri pesë vjet më parë.
