Napolin nuk e ndal as Sassuolo
Napoli vijoi ecurinë e tij pozitive ne kampionatin italian, duke fituar edhe ne ndeshjen e javës se 20 ne shtëpi 3 me 1 kundër Sasuolos. Skuadra e trajnerit Sarri vazhdon të mbajë vendin e parë në renditje tashmë me 44 pikë duke përfituar edhe nga ndalesa e Interit që tani është 4 pikë më pak. Napoletanet e nisën shumë keq ndeshje duke u ndëshkuar që në minutën e 2 me një 11-metersh të Sasuolos që u kthye ne gola nga Diego Falcineli. E megjithatë reagimi i vendasve ishte i fortë dhe rezltativ, pasi shumë shpejt në të 19, Hoze Callejon do të barazonte rezultatin. Përmbysja e rezultatit do të vinte 3 minuta para fundit të pjesës së parë me te zakonshmin Higuain. Sulmuesi argjentinas mbylli festën e Napolit me golin e dytë persona dhe të tretin për skuadrën në minutën e 90. Tjetër paraqitje pozitive tek Napoli për lojtarin e kombëtares shqiptare Elseid Hysaj.
Leicester ne krye edhe duke barazuar
Në Angli, Leicester u ndal në barazim 1 me 1 në transferte Nga Aston Vila, por skuadrës së Ranierit kjo pikë i mjaftoi që të marrë përkohësisht kryesimin e premier ligës me 44 pikë. Surpriza e kampionatit anglez ka 1 pikë më shumë sesa Manchester City dhe Arsenal, por topçinjtë kanë shansin të rimarrin të vetëm vendin e parë nëse mundin sot në transfertre Stok Sitin e Xherdan Shaqirit. Sa i takon kronikes së ndeshjes se luajtur në Vila Park , Leicester kaloi i pari në avantazh me anë të Okazakit në minutën e 29. Miqtë patën shansin e madh të dyfishon shifrat 4 minuta më vonë, por Riad Mahrez gaboi nga pika e bardhe e penalltisë. Në pjesën e dytë, Aston Vila që renditet e fundit ne kampionat, arriti të barazoje me anë të Gestede.
