Ish-ministri i Bujqësisë, Edmond Panariti thotë se nisma për të hequr akcizën e naftës për fermerët është elektorale dhe një demagogji e qeverisë që nuk arriti ta bënte në 7 vite qeverisje. Sipas tij, masa të tilla janë pozitive, por ato duhet të jenë të mirëstudiuara, në mënyrë që të përfitojë realisht fermeri.

 

“Qevria thotë naftë pa taksa, por si do të zbatohet kjo gjë në praktikë në mënyrë që tolloni të mos përfundojë në sarbatorin e “Benz-ave” dhe fermeri të vijojë të paguajë me çmimin e tregut”, tha ai në emisionin “E-Zonë”.

 

Sipas ish-ministrit Panariti, skema më e mirë dhe efikase është ajo e subvencionimit.

 

“Rruga e duhur, sipas meje, është të shkosh direkt tek toka, sera apo vreshtaria që ka fermeri, shikon sa sipërfaqe ka, sa prodhon, le të paguajë ai çmimin e naftës aq sa është, por shteti shkon dhe i jep lekë në dorë femerit, duke i ulur taskat që premtohen.”

 

Panariti vijon më tej kur thotë se kjo qeveri nuk ka patur në fokus bujqësinë, pasi sektori nuk është mbështetur sa duhet financiarisht. Është kjo një ndër arsyet pse sot fshatrat po braktisen çdo ditë.

 

 

Leave a Reply

Your email address will not be published. Required fields are marked *