Prej ditës së djeshme, Ankaraja ka hapur dyert për samitin e NATO-s ku ka pritur liderët e 32 vendeve anëtare të Aleancës më të madhe ushtarake. Në deklaratën e përbashkët të vendeve të Aleancës në përfundim të samitit, konfirmohet se në qendër të diskutimeve ishin situata në Ukrainë dhe paketa e ndihmës prej 70 miliardë eurosh që aleatët evropianë e formalizuan në Ankara për të siguruar mbështetje për Kievin për dy vitet e ardhshme. Aktualisht po mbahet konferenca përmbyllëse e samitit.
Trump tha se SHBA do të ndërpresë çdo marrëdhënie tregtare me Spanjën duke e cilësuar si vend armiqësor.
Lexo edhe :
Related Posts
“Spanja është një aleat i tmerrshëm, nuk dua të kem marrëdhënie me ta, lidhjet tregtare kanë mbaruar, ata janë një rast i pashpresë: ka disa vende të tjera, por Spanja është veçanërisht armiqësore”, tha Trump.
Ndërsa Mark Rutte konfirmoi se samiti i radhës i NATO-s do të mbahet në Shqipëri, por mbetet ende për t’u përcaktuar koha.
“Samiti tjetër do të mbahet në Shqipëri, ky ishte vendimi i Hagës. Samiti do të mbahet në Shqipëri, por do të na duhet të vendosim për kohën”, tha Rutte.
Rutte u pyet për deklaratat e presidentit Trump dhe nëse NATO s’mund të vijojë pa SHBA-të. Sekretari i Përgjithshëm i Aleancës u përgjigj se ka gjithnjë debate, por pavarësisht tyre, NATO ruan unitetin.
“Njerëzit debatojnë në maksimumin e fuqisë dhe jo s’më shqetëson, sepse në fund këto debate e bëjnë Aleancën më të fortë. E di që Trump dhe SHBA janë të përkushtuar ndaj NATO-s, por është faktor irritues që europianët nuk po paguajnë. Trump është përpjekur t’i bindë që të paguajnë dhe të kemi rezultate. Edhe pse kemi kërcënimin rus, ky është një inkurajim i madh. E ndiej këtë unitet dhe kjo aleancë është më e bashkuar se kurrë sepse i lejojmë vetes të mos jemi dakord”, tha Rutte.
Lidhur me Iranin dhe kërcënimin e armëve bërthamore, nuk u përjashtua mundësia e ndërhyrjes së NATO-s.
“Është strategjia e NATO-s dhe aleatëve që të mos shtërë në dorë kapacitete bërthamore. S’do të thotë që NATO nuk do të përfshihet. NATO është gjithmonë e gatshme të luajë rol për paqen. Do të shohim cc’do të ndodhë në ditët dhe javët në vazhdim”, tha Rutte.
