Kandidatja për deputete e LSI-së, Klajda Gjosha e konsideron institucionin e Presidentit, të vetmin që nuk është kapur nga qeveria.
E ftuar në “Zgjedhje 2021”, Gjosha i konsideron normale reagimet dhe tonet e ashpra të kreut të shtetit, kryesisht ditët e fundit, pas publikimit të të dhënave personale të qytetarëve.
“Është i vetmi institucion i pa kapur nga qeveria. I vetmi që mund të mbrojë Kushtetutën e vendit dhe të ngrejë zërin për të ruajtur votën e qytetarit shqiptar. Mos prisini normalitet në një vend ku shkelet ligji dhe Kushtetuta haptas. Ai nuk mund të sillet sikur është President i Francës. Duhet një ndryshim rrënjësor në 25 prill. Presidenti flet për qytetarët. Mazhoranca është vetëm Edi Rama. Është totalisht i vetëm.”
