Ministri i Inovacionit në Serbi, Nenad Popoviç ka thënë se negociatat për Kosovën nën ombrellën e BE-së nuk kanë dhënë ndonjë rezultat dhe është e qartë se pa Shtetet e Bashkuara, Rusinë dhe Kinën nuk është e mundur të arrihet një kompromis i qëndrueshëm dhe i zbatueshëm në mes të Beogradit dhe Prishtinës.
Ndër të tjera ministri serb u shpreh se duke shtuar se çështja e Kosovës ngadalë duhet të kthehet në Këshillin e Sigurimit të OKB-së. Sipas tij, Këshilli i Sigurimit të OKB-së është i vetmi vend ku kjo çështje mund të zgjidhet dhe ku Serbia ka miq si Rusinë dhe Kinën të cilat ia mbrojnë integritetin territorial duke respektuar Kushtetutën dhe Rezolutën 1244.
Gjithashtu Popoviç beson se që nga nënshkrimi i Marrëveshjes së Brukselit është e qartë se shqiptarët nuk duan të përmbushin detyrimin e tyre themelor dhe të formojnë Asociacionin e komunave serbe.
Ai ka theksuar se për këtë shqiptarët kanë mbështetjen e heshtur të disa vendeve perëndimore. Ndër të tjera ai ka thënë se BE po fillon të realizojë një plan të ‘Shqipërisë së Madhe’, plan ky që sjell paqëndrueshmëri në të gjithë rajonin.
