Ministri i Shëndetësisë në Itali, Roberto Speranza pret që në janar vaksinat të kryhen në mënyrë masive. Sipas tij, Agjencia Evropiane e Barnave pritet të japë “OK” më 29 dhjetor për vaksinën Pfizer.
“Janari do të jetë muaji i vaksinimeve anti-COVID. Shpresoj se do të mund të fillojmë në të njëjtën kohë me të gjithë Evropën. Vaksina do të jetë e sigurt dhe vullnetare. Ajo nuk do të jetë në dispozicion menjëherë për të gjithë. Nuk na presin muaj të lehtë.”
Roberto Speranza tha se vaksina është një dritë në fund të tunelit, por ai theksoi se duhet ende kohë derisa të sigurohet mbrojtja e pjesës më të madhe të qytetarëve.
