Pasi Shqipëria u zgjodh anëtare e Këshillit të Sigurimit të Kombeve të Bashkuara, reagoi edhe presidenti Ilir Meta.
Kreu i shtetit deklaroi se vendin tonë e presin përgjegjësi të mëdha, për të cilat shprehu besimin se do t’i përmbushë.
“Përshëndes zgjedhjen sot të Shqipërisë, anëtare jo e përhershme e Këshillit të Sigurimit të Kombeve të Bashkuara, për herë të parë në 65 vite anëtarësi në këtë Organizatë të rëndësishme për paqen, sigurinë dhe stabilitetin global. Sfidat janë të jashtëzakonshme dhe shumë të vështira, por shpreh bindjen se vendi ynë do të përmbushë me përgjegjësi të lartë këtë detyrë dhe mision për dy vitet e ardhshme. ”
