Presidenti Ilir Meta sulmoi fort mazhorancën dhe në mënyrë të vecante kryeministrin Rama në reagimin e tij të parë mbi procesin electoral të 30 qershorit ku u votua për pushtetin lokal.
Duke nxjerr një video ku tregohej një moment I votimit kolektiv, Meta e shfrytëzon këtë fakt për të shigjetuar kreun e qeverisë në mënyrë të nënkuptuar pa ia përmendur asnjëherë emrin.
Fillimisht ai falenderon qytetaret që iu shmangën konfrontimeve para dhe gjatë procesit të votimevem, të cilat presidenti I quan, votime socialiste të thirrura nga Rama. Meta shton se shqiptarët nuk ranë viktime e retorikës konfrontuese të lidereve të papërgjegjshëm që përmes nxitjes së dhunës duan të fshehin skandalet, sipas tij, si dhe llogaridhënien.
Urime të gjithë qytetarëve që dje iu larguan konfrontimit dhe dhunës duke respektuar në mënyrë qytetare njëri-tjetrin, pavarësisht nga qëndrimi ndaj votimeve socialiste të thirrura nga kryeministri Rama.Shqipëria shpëtoi nga kurthi i përplasjes civile, ndaj i falënderoj nga zemra të gjithë shqiptarët që nuk ranë viktimë e retorikës konfrontuese të liderëve të papërgjegjshëm, që përmes nxitjes së dhunës duan të fshehin skandalet dhe llogaridhënien e tyre.
Presidenti Meta u distancua nga zgjedhjet e 30 qershorit pasi ai vetë dekretoi 13 tetorin për zgjedhjet lokale, por mazhoranca nuk e mori parasysh këtë akt të presidentit por organizoi zgjedhjet nisur edhe nga vendimi i Kolegjit Zgjedhor që e quajti të rregullt 30 qershorin bashkë me ndërkombëtarët.
