Presidenti Ilir Meta ka marrë pjesë këtë të enjte në pritjen e organizuar nga Amabsada Gjermane në Tiranë me rastin e Ditës së Bashkimit të Gjermanisë.
Në një postim në “Facebook”, Meta thekson se gjatë pritjes i shprehu ambasadorit Peter Zingraf urimet më të ngrohta e të përzemërta dhe se Shqipëria do të vijojë të mbështetet fortë në Gjermaninë mike.
Meta më tej shpreh gjithashtu mirënjohje edhe për mbështetjen e përhershme që Gjermania i ka dhënë Shqipërisë në procesin e integrimit.
“Kënaqësi të merrja pjesë sot në pritjen e organizuar nga Ambasada Gjermane në Tiranë, me rastin e 3 tetorit, Ditës së Bashkimit të Gjermanisë dhe t’i shprehja ambasadorit Peter Zingraf urimet më të ngrohta e të përzemërta për popullin mik gjerman. Shqipëria do vijojë të mbështetet fort në Gjermaninë mike dhe partnere strategjike.Mirënjohje të thellë për kontributin e çmuar, të gjithanshëm dhe të përhershëm që Gjermania i ka dhënë Shqipërisë në procesin e integrimit europian, konsolidimin e shtetit të së drejtës dhe reformave demokratike!”
