Presidenti Meta ka zhvilluar këtë të hënë një takim me deputetin e Parlamentit Italian, Mario Brunettin.
Takimin e ka njoftuar vetë kreu i shtetit në një postim në “Facebook”, ku ka shprehur vlerësime për Brunettin, I cili është dhe një nga nismëtarët e ligjit për ruajtjen e gjuhës së minoriteteve në Itali.
“Sot pata një takim shumë të ngrohtë me mikun tim Mario Brunetti, deputet i Parlamentit italian për një kohë të gjatë, prezantues i ligjit 482 për ruajtjen e gjuhëve të minorancave, veçanërisht asaj arbëreshe, gazetar, shkrimtar dhe studiues i çështjes së Italisë së Jugut dhe një nga studiuesit më të mëdhenj të veprës së Antonio Gramshit. Ishte kënaqësi që mora si dhuratë botimin e tij të fundit mbi mendimtarin e madh italo-arbëresh, Antonio Gramshi.”
