Numri i personave të vdekur nga koronavirusi ka kaluar shifrën 1 milion, sipas të dhënave të Universitetit Johns Hopkins.
Shtetet e Bashkuara të Amerikës vijojnë të jenë më të prekurat nga virusi, me mbi 205 mijë viktima. Më pas renditen India dhe Brazili.
Sekretari i Përgjithshëm i Kombeve të Bashkuara, Antonio Guterres u shpreh se ky është një moment mjaft shqetësues.
“Ky është një moment historik shqetësues. Janë humbur 1 milion jetë nga koronavirusi në të gjithë botën. Është një numër tronditës, por kurrë nuk duhet të harrojmë një jetë të vetme. Ata ishin baballarë dhe nëna, gra dhe burra, vëllezër dhe motra, miq dhe kolegë.”
Ai shtoi se kjo betejë mund të fitohet nëse mësohet nga gabimet. Gjithashtu, sipas tij, është i rëndësishëm bashkëpunimi.
