Largimet nga LSI në drejtim të PS, kryebashkiaku i Tiranës, Erion Veliaj i sheh si një rikthim në shtëpi.
Partinë e Monika Kryemadhit ai e quajti një biznes familjar, ndërsa në studion e “Zgjedhje 2021” në “Vizion Plus”, nuk kurseu sulmet as për presidentin Ilir Meta.
Veliaj kujtoi përleshjen e kreut të shtetit me efektivët e policisë për zyrat e FRD.
“Unë jam në PS pas Taulant Kalos dhe shumë personazheve që në një moment, si djali plangprishës, vendosi të dalë nga shtëpia. Pasi pa të gjithë botën, aririt në konkluzionin se nuk ka si shtëpia jote. LSI ishte një biznes familjar, e dalë jashtë kontroill, kryetarja është gjithë ditën duke parë filxhanin. Presidenti është një lluc, përleshet me një polic në prag pensioni. Ka humbur një pjesë dinjiteti dhe është komplet jashtë loje. Zotëria me të cilin u ndesh presidenti, del në pension në datën 25 prill. Imagjinoini fëmijët kur kthehen në shtëpi dhe shohin sesi Presidenti i Republikës u rreh babanë. Është shumë e arsyeshme që shumë elementë që kanë qenë te LSI, kur shohin këto, vendosin të kthehen në shtëpi.”
