LSI ka vijuar t’I bëjë apel qeverisë që të shpallë gjendjen e emergjencave në zonat e prekura nga tërmeti.
Në një postim, në “Facebook”, sekretari i Përgjithshëm I LSI, Endrit Braimllari shprehet se ligjet e përcaktojnë qartë sesi duhet të sillet qeveria në të tilla situata.
Sipas tij, mosshpallja e emergjencave për zonat e prekura ka të bëjë me demshpërblimet.
“Qeveria duhet te shpalle gjendjen e emergjences per zonat e prekura nga termetet. Qeveria nuk mund te funksionoj si nje organizate. Ka ligje, struktura dhe protokolle sesi menaxhohen situata te tilla. Arsyeja e mosshpalljes se emergjences per zonat e prekura nga termetet ka te beje me demshperblimet. Nese qeveria e shpall gjendjen e emergjences, ligji e imponon nje demshperblim ne masen 100 per qind te çdo dem qe prek popullaten. Ndaj Edi Rama te mos bej shoë neper fusha futbolli dhe stadiume por te shpalli gjendjen e emergjences qe qytetaret te kene mundesi te demshperblehen per kete fatkeqesi natyrore.”
