Gazetari suedez Joakim Medin , i cili u arrestua në fund të marsit në Turqi dhe u dënua për “fyerje të Presidentit turk” Rexhep Tajip Erdogan , u lirua të premten, njoftoi kryeministri suedez Ulf Kristersson.
“Ai është duke udhëtuar nga Turqia për në Suedi. Do të ulet brenda pak orësh,” tha Kristerson në një postim në Platformën X.
“Puna e vazhdueshme, në qetësi relative, ka dhënë fryte”, shtoi ai, duke falënderuar homologët e tij evropianë që “ndihmuan shumë në këtë proces”.
Medini 40-vjeçar, i cili punon për gazetën Dagens ETC, u arrestua më 27 mars kur mbërriti në Stamboll për të mbuluar protestat që kishin filluar ditët e mëparshme pas arrestimit të kryetarit të bashkisë së qytetit, Ekrem Imamoglu.
Hårt arbete i relativ tystnad har gett resultat. Den svenske journalisten Joakim Medin är på väg från Turkiet hem till Sverige. Han landar om några timmar.
Jag vill säga tack till de medarbetare på UD som, under utrikesminister Maria Malmer Stenergards ledning, har jobbat…
— Ulf Kristersson (@SwedishPM) May 16, 2025
Në fund të prillit, një gjykatë në Ankara e dënoi atë me 11 muaj burg , me kusht për “fyerje të presidentit”.
Pavarësisht natyrës së pezulluar të dënimit, Medini mbeti në burg, i akuzuar për “pjesëmarrje në një organizatë terroriste”.
Gazetari i mohon akuzat e autoriteteve turke. Ndjekja penale e tij u ngrit sepse, sipas gjyqësorit turk, ai mori pjesë në një demonstratë të Partisë së Punëtorëve të Kurdistanit në Stokholm në janar 2023.
/vizionplus.tv
