Policia e Tiranës ka arrestuar një 18-vjeçar dhe ka shpallur në kërkim shtetasin me iniciale D.K., 30 vjeç, pasi shantazhonin një vajzë të re përmes disa fotove personale.
Në bashkëpunim me njëri-tjetrin, kanë kërcënuar të renë se do t’i publikonin fotot e saj në rrjetet sociale nëse nuk iu dorëzonte shumën prej 15 mijë lekësh të reja.
“Sektori për Hetimin e Krimeve të Rënda ndaj Jetës dhe Pronës u bë arrestimi në flagrancë i shtetasit me iniciale A. K., 18 vjeç, si dhe u referuan materialet në Prokurorinë pranë Gjykatës së Shkallës Parë Tiranë, për shtetasin në kërkim me iniciale D. K, 30 vjeç, pasi në bashkëpunim kanë shtrënguar me anë të kanosjes dhe dhunës për dhënie pasurie, një shtetase, me qëllim t’i përvetësonin shumën prej 15.000 lekësh të reja, për mospublikimin e fotove të saja në rrjetet sociale.”
