Qarku i Korçës është shumë pranë përfundimit të plotë të procesit të legalizimeve, kjo edhe për shkak se renditet si qarku me ndërtimet më të pakta informale në të gjithë vendin. Kjo është deklaruar sot nga Artan Lame, kreu i Agjencisë Shtetërore të Kadastrës, i cili ka qenë në Maliq për të shpërndarë leje legalizimi për banorët e kësaj bashkie.
Sipas Lames, menjëherë pas përfundimit të këtij procesi do të fillojë një proces tjetër edhe më i rëndësishëm që është ai i regjistrimit të tokës bujqësore. Sipas Drejtorit të Përgjithshëm të Kadastrës 7 nëntori ka qenë edhe afati i fundit i aplikimit për AMTP:
I pranishëm ka qenë edhe drejtuesi politik i qarkut të Korçës Niko Peleshi i cili theksoi se proceset e prones janë duke shkuar drejt finales së tyre, dhe për këtë është duke u punuar me ritme të shpejta.
Maliqi është ndër ato bashki të vendit ku mbyllja përfundimtare e procesit të legalizimeve është mjaft e afërt, për shkak edhe të numrit të ulët të aplikimeve për leje legalizimi, dhe menjëherë më pas do të vijohen me regjistrimin e tokës bujqësore.
