Opozita e bashkuar do të protestojë sërish këtë ta martë në orën 10:00 para Parlamentit.
Mesohet se mbështetës të shumtë si dhe simpatizantë të PD e LSI janë nisur me autobusë e makina private nga rrethe të ndryshme në drejtim të kryeqytetit.
Vetë protestuesit kanë pohuar se ata mbështesin kauzën e opozitës dhe se kërkojnë largimin e kryeministrit Edi Rama nga qeveria.
Policia ia ka refuzuar lejën për protestën opozitës me argumentin se po cënohet jeta e deputetëve por nga ana tjetër kjo e fundit ka deklaruar se protesta është një e drejtë Kushtetuese dhe se nuk ka nevojë që të marrë leje.
Në protestat e fundit të zhvilluara nga opozita kemi parë shpesh një situatë të tensionuar ku nuk kanë munguar përplasjet mes protestuesve dhe policisë.