Pas epitetit që kryeministri Edi Rama i vuri kryedemokratit Lulzim Basha, reagoi ish-deputeti Ervin Salianji. Përmes një postimi në “Facebook”, ai e quajti Ramën kungull dhe në mënyrë metaforike tha se ai as nuk gatuhet dot.
“Shqiptarët s’kanë ç’presin më. Rama nuk është shalqi me provë, por kungull që si hyri doli. Faktet janë këto: Në 7 vjet e nisi me fjalë e premtime e do ta mbyllë me mashtrime. Shëndetësia në kolaps, arsimi në krizë ekonomia në pikiatë, borxhi stratosferik, papunësia, investimet e huaja që nuk u panë kurrë, pasurimi i një grushti njerëzish dhe varferia ekstreme në çdo cep të vendit. Këto jane faktet! Kungulli mbetet kungull, por një kungull si ky as nuk e gatuan dot. Mendoni që është aq kungull sa mendon se me premtime e mashtrime shpreson ta shtyjë ende. Koha e qeverisjes së kungujve ka mbaruar. Le të shkojnë të rriten në serat e Surrelit. Shqiptarët duan ndryshim!”
Në një konferencë që mbajti me gazetarët, Edi Rama e quajti Bashën shalqi me provë.
