Lideri i opozitës, Lulzim Basha i bëri apel faktorit ndërkombëtar të reagojë publikisht për listën e kandidatëve të Partisë Socialiste, e cila sipas tij ka persona te lidhur me krimin. Gjate forumit “Perspektivat për një të ardhme evropiane të Shqipërisë”, organizuar nga Fondacioni Konrad Adenauer, lideri i opozitës, Basha theksoi se reagimi i ndërkombëtarve duhet të vijë tani.
LULZIM BASHA
KRYETAR I PD
“Sot, në listën e Partisë Socialiste, në Komisionin Qendror të Zgjedhjeve, ka prapë persona me rekorde të zeza kriminale, përfaqësues dhe bosë të krimit të organizuar. është fare e qartë dhe unë pres, që Europa dhe Shtetet e Bashkuara të Amerikës, të flasin qartë dhe prerë për këtë sot, jo pas zgjedhjeve.”
Sipas Bashes, dekriminalizimi i politikes dhe lufta kunder korrupsionit do të jenë prioritet për PD nëse fiton zgjedhjet.
“Pa luftuar korrupsionin, pa ndarë politikën nga krimi, Shqipëria nuk do të ecë përpara. Ky është parakusht. Tashmë, edhe parakusht zyrtar i Bashkimit Europian dhe i Këshillit Europian.’
Basha ka theksuar se 25 prilli ka një vlerë të veçantë.
“Kёto nuk janë vetёm njё palё zgjedhje por ёshtё njё lufta pёr demokraci. A do tё jetë Shqipёria nё anën e gabuar tё njё perde tё re tё hekurt qё po ndan shoqëritë midis atyre qё mund tё mbajmё zgjedhje tё lira dhe tё drejta apo muri i korrupsionit, i krimit nga ata persona qё janë nё fuqi do ta vendosë Shqipërinë nё anën e gabuar tё kësaj perdeje tё hekurt, ku ka njё vijueshmëri tё sundimit jo demokratik qё nuk respekton votën e qytetarëve.’
Pjese e takimit ishte edhe kryetari i ri i CDU, Armin Laschet, i cili theksoi se “zgjedhjet e ardhshme, duhet të jenë të lira dhe të ndershme.
