Gjatë punimeve restauruese në Urën e Shën Prodhomit dhe pastrimit të dherave, në anën e djathtë kur ngjitesh për tek Akademia është gjetur një kollonë së bashku me bazamentin e poshtëm që ka qënë pjese e kufizimit te parapetit.
Këtë njoftim e bën Drejtoria Rajonale e Trashëgimisë Kombëtare (DRTK) sipas të cilës ky zbulim është nje vlerë e shtuar për këtë urë të shpallur monument kulture.
DRTK Korçë po bën të mundur krahasimin me materiale nga arkiva për të parë lidhjen e tyre me njëra tjetrën me anë të lamave metalike që plotëson kufizimin anësor në pjesën e sipërme. Restaurimi i Urës të Shën Prodhromit, një prej veprave inxhinierike ndërtuar gati 300 vjet më parë e cila shërbente si nyje lidhëse e Voskopojës me Manastirin e Shën Prodhromit, sapo ka filluar.
Ajo është një tjetër monument që do të restaurohet për të qënë një tjetër atraksion kulturor për turistet e shumtë që i janë shtuar Voskopojës vitet e fundit.
