Riaktivizohet zjarri në Çërrilë të Mallakastrës, ndërhyrje edhe nga ajri

Pasditen e kësaj të enjte është riaktivizuar vatra e zjarrit në Çërrilë të Mallakastrës, ku flakët po përhapen me shpejtësi në një sipërfaqe të konsiderueshme të pyllit me pisha.

Situata ka alarmuar banorët e zonës, ndërsa terreni i thyer po vështirëson ndërhyrjen e forcave në terren për izolimin dhe shuarjen e flakëve.

Për neutralizimin e zjarrit po punojnë 4 mjete zjarrfikëse, 30 forca të Armatosura dhe 20 forca bashkiake. Pas kërkesës për ndërhyrje nga ajri, në zonë ka mbërritur edhe një helikopter, i cili do të angazhohet në operacionin për shuarjen e flakëve.

Fatmirësisht, zjarri ndodhet larg zonës së banuar. /vizionplus.tv