Zelensky: Rusia sinjalizon gatishmëri për negociata në Abu Dhabi, ja çfarë pritet të diskutohet në nëntor

Presidenti ukrainas, Volodymyr Zelensky deklaroi se, pas bisedës midis liderëve evropianë dhe presidentit rus, Vladimir Putin, krijohet përshtypja se Rusia është seriozisht e përkushtuar ndaj takimit të ekipeve negociuese në Abu Dhabi.

Gjatë këtij takimi, palët planifikojnë të diskutojnë hapat e parë drejt de-eskalimit në sektorin e energjisë dhe në det, si dhe shkëmbimin e të burgosurve.

Kreu i shtetit e bëri këtë deklaratë gjatë një bisede me gazetarët, sipas “Ukrinform“.

“Të hënën në mbrëmje, fola me kryeministrin e Norvegjisë dhe presidentin e Finlandës, si vazhdimësi e takimit tonë në Oslo dhe në prag të takimit të tyre të sotëm (27 tetor – Shën. i red.) me palën ruse. Ne i diskutuam çështjet. Në thelb, në Oslo u njohëm me agjendën për takimin e ardhshëm trepalësh të ekipeve negociuese, i planifikuar për në nëntor në Abu Dhabi. Ata donin ta diskutonin këtë me mua dhe më pas me liderin rus”, citohet të ketë thënë ai.