Shqipëria regjistroi rastin e parë me fruth, i cili u diagnostikua më 22 dhjetor. Gazetarja e Vizion Plus, Elda Canaj, bëri me dije se pacienti nuk ishte i vaksinuar dhe është ndjekur epidemiologjikisht nga Instituti i Shëndetit Publik (ISHP).
Rasti është i izoluar, ndërsa hetimet tregojnë se vetëm një person ka fruth. Autoritetet po vijojnë monitorimin e situatës për të parandaluar përhapjen e sëmundjes.
Fruthi është një sëmundje shumë ngjitëse virale që prek veçanërisht fëmijët e pavaksinuar dhe mund të shkaktojë komplikacione serioze si pneumonia, encefaliti dhe probleme të tjera shëndetësore. Vaksinimi mbetet mënyra më e efektshme për parandalimin e infeksionit.
/vizionplus.tv
