Zëvendës ministri i Mbrojtjes Petri Koçi nga emisionin 7 pa 5 në Vizion Plus është shprehur se tërmeti nuk mund të parashikohet dhe se akuzat politike janë të pabaza.
Koçi ndër të tjera në fjalën e tij ka theksuar se presidenti Meta nuk është profet dhe as termetolog që të parashikojë tërmetet.
“Presidenti nuk është profet dhe termetolog, sepse të gjithë mund të thonë shumë përgjegjësi, por ka shumë sismiologë të cilët kanë hipotezat e tyre rreth zhvillimeve tektonike në rajon dhe në botë. Shqipëria nuk është si Japonia por gjithsesi ka rrisqet dhe zhvillimet e vete tektonike. Ne jemi afër Greqise dhe Italisë vende që kanë ngjarje sizmike të konsiderueshme ashtu siç ndodh edhe në Shqipëri. Po ashtu dhe në vendin tonë që ishim në ngjarje të afërta sizmike në një perimetër të njëjtë territori siç ishte në Durrës dhe në Tiranë.”
Gjithashtu në fjalën e tij zv ministri Koçi ka theksuar ndër të tjera se me ligjin e ri do të kenë më shumë mundësi që të përballojnë situate të ndryshme të emergjencave në vend.
“Ne kemi bërë ligjin e ri për të pasur më shumë kapacitet për të përballuar rastet e emergjencave. Kalimi i emergjencave tashmë agjensisë kombëtare e mbrojtjave civile tek ministria e Mbrojtjes ka dhënë një avantazh të jashtëzakonshme që u pa tek përballimi i përmbytjeve në dy tre raste dhe në rastin konkret pavarsisht se përballimi i fatkeqësisë ishte i përmasave të mëdha. Ne kemi nevojë për teknologji modern kemi nevoj që pas 1 janarit Agjensia Kombëtare e Mbrojtjes Civile të rikostrukturohet pasi aktualisht është ish-Drejtoria e Përgjithshme e Emergjencave. Ka nevojë për investim, në teknologji ky rast është që mund të na ketë nxjerrë shumë mësime edhe për ato që kanë qenë dhe ne që jemi. Ka nevojë dhe për reagim për kulturë dhe sit ë mbrohemi në raste të tërmetit, të cilat mund të jepen edhe gjatë procesit arsimor.”
