I pranishëm në Forumin e Bled, kryeministri Zoran Zaev theksoi se Maqedonia e Veriut, pas 16 vitesh në pritje si vend kandidat, BE duhet të bëjë hapin e radhës për hapjen e negociatave.
Zaev u shpreh se Maqedonia e Veriut ka bërë mjaft reforma. Sipas tij, këto reforma kanë çuar në përmirësimin e ekonomisë së vendit, ndërsa shtoi se BE duhet të hedhë hapin tjetër drejt integrimit të Ballkanit Perëndimor.
“Ne jemi në zemër të BE rrethohemi nga vendet e BE. Një vend i vogël, mjaft i mirë, etnik e fetar, me një sukses të jashtëzakonshëm të organizimit. Kemi kryer mjaft reforma në vendin tonë, jemi bërë anëtar të NATO dhe këto arritje nënkuptojnë ekonominë, pra investime që ndikojnë drejtpërdrejtë në një PBB më të mirë, paga më të mira dhe këto çojën në objektivin tonë fundorë që t’i mbajmë të rinjtë në vendin tonë dhe ata të mos largohen. Nuk është e lehtë të jesh kandidate për 16 vite e gjysmë. Maqedonia e Veriut është vendi që ka pritur më gjatë për hapin e radhës për t’u ndërmarrë që prej vitit 2000. Kemi nënshkruar si fillesë marrëveshje e stabilizim asociimit 20 vjet më parë, para Kroacisë, ndërkohë që Kroacia ka festuar 15 vjetorin e anëtarësimit në BE. Kemi marrë rekomandime pozitive, konsensus nga vendet e Këshillit Europian, por ende nuk janë çelur negociatat. Për ne nuk ka alternativë tjetër veç asaj të BE. Jemi si ai individi që do të bëhet pjesë e familjes, por familja nuk e pranon, nuk jemi gati, por nuk kemi familje tjetër, kemi zgjedhur atë për shkak të vlerave tona, vlerave europiane dhe do vazhdojmë në këtë rrugëtim. Kemi çelur nisma të tjera rajonale si Ballkani i Hapur që të shfrytëzojmë këtë kohë për të përmirësuar cilësinë e jetës për shtetasit tanë duke shpresuar që BE të ketë kurajë të mjaftueshme për të hedhur hapin tjetër, por duhet të hidhet që të ruajmë motivimin tonë dhe të dimë që një ditë do të jemi pjesë e familjes.”
