Për Partinë Socialiste vendimi i KQZ-së për të mos i hequr mandatin kryetarit të Bashkisë Mallakastër, Agron Kapllanaj, është marrë në shkelje të ligjit, pasi ky institucion nuk respektoi kodin. Për këtë arsye, mazhoranca ka depozituar në Gjykatën Kushtetuese kërkesën për heqjen e mandatit të kryebashkiakut demokrat.
Mazhoranca ka akuzuar kreun e PD-së Basha se mbron të dënuarit për vjedhje.
KQZ në mbledhjen e pak ditëve më parë vendosi të mos i heqë mandatin kreut të Bashkisë Mallakastër, pasi për nga koha e vendimit të formës së prerë, deri në kandidimin e tij, kishte kaluar periudha e rehabilitimit qe përcaktohet nga ligji i dekriminalizimit.
