Kryetari i FRPD-së, Belind Këlliçi theksoi se në listat zyrtare të kandidatëve për deputetë të PD në 12 qarqet e vendit, nuk ka figura me të shkuar kriminale.

Në një lidhje direkte me edicionin qendror të lajmeve në Vizion Plus, Këlliçi tha se sot u dërguan në KQZ dokumentet më të dhënat e plota të kandidatëve.

“Procesi ka qenë i rregullt dhe transaparent. Lista është miratuar në mënyrë unanime. Kanë qenë dy-tre emra që janë shtuar në çastin e fundit, e gjithë lista është e plotë, nuk ka asnjë person të inkriminuar, me precedente penale e kriminelë.  Ditën e some, të gjithë kandidatët kanë pasur afatin për të plotësuar formularin e plotë me të dhënat e plota. Dokumentet e plota i janë dërguar sot KQZ.  Lista ka qenë transparente. Jemi parti e punës dhe veprave konkrete dhe jo parti e show-t dhe propagandës. Në kemi modelin tonë. Janë dërguar në KQZ konform të gjitha rregullave dhe ligjeve.”

Sa i përket dorëheqjes së Lisandër Hoxhës nga posti i nënkryetarit të FRPD dhe deklaratës së tij se në 4 vitet e fundit FRPD u kthye në strukturë inekzistente, Këlliçi i konsideroi keqinterpretime të bëra nga disa media.

“Janë keqinterpretime që i bëjnë mediat. Sot, ai mori një vendim të tij personal; unë do ta gjykoja emocional.  Lisander është aset i PD dhe FRPD dhe vijon të mbetet në vijën e parë të përballjes me Edi Ramën. Vihet re se në PD ka debate, diskutime, vendime personale, sepse është një parti e lirë dhe e hapur.”

Leave a Reply

Your email address will not be published. Required fields are marked *