ISIS merr përsipër sulmin në Nice

Sulmi në Nicë kur një shtetas tunizian shtypi me një automjet të tonazhit të rëndë 84 persona dhe duke plagosur qindra të tjerë është marrë përsipër nga organizata terroriste e Shtetit Islamik të Sirisë dhe Irakut. Sipas agjencive të lajmeve pranë ISIS, thuhet se Mohamed Bouhlel ishte një ndjekës i ideologjisë se tyre radikale, ndonëse një prirje e tillë nuk ishte pikasur nga shërbimet inteligjente franceze. Në kuadër të hetimeve të fokusuara në pistën e terrorizmit specialet në Francë kanë arrestuar të paktën 5 persona, të cilët besohet se kane ndihmuar tunizianin të kryejë masakrën në Nicë. Mes të ndaluarve është dhe bashkëshortja e Houhlele. Më herët presidenti i vendit Fransua Hollande deklaroi zgjatjen me tre muaj të tjerë të gjendjes së jashtëzakonshme dhe mblodhi Këshillin e Sigurisë Kombëtare për të diskutuar masat e tjerë në luftën ndaj terrorizmit. Ndërkohë të hënën është planifikuar një takim jashtë radhe i ministrave të jashtëm që do të diskutojë në lidhje me këtë çështje.