9 gola, një penallti e humbur, spektakël ne Artemio Franki. Ne javën e 33 te kampionatit Italian, Fiorentina mundi 5-4 Inter, duke e vështirësuar situatën per zikalterit ne një nga momentet me te këqija te sezonit. Ne nje përballje mes dy skuadrave ne vështirësi me shume psikologjike se sa fizike, fati ne fundi i buzëqeshi skuadrës nga Firence. Vendasit kaluan te paret ne avantazh qe ne minutën e 23 me Vecino, por 6 minuta me vone Perisic ktheu gjithçka ne baraspeshe. Ikardi e mbylli pjesën e pare ne avantazh per Inter, kur ne minutën e 34 gjeti rrjetën, duke mposhtur portierin kundërshtar. Me fillimin e pjesës se dyte te zotet e shtëpisë kishin mundësinë e barazimit te rezultatit, por Bernardeski nuk u tregua i sakte nga pika e bardhe e penalltisë. Gjithsesi skuadra e Paolo Souses e gjeti ate ne minutën e 63 me Astori. Ne harkun kohor te 7 minutave ndodhi gjithçka ku Fiorentina jo vetëm gjeti barazimin, por arriti te shënonte edhe dy gola te tjerë me Vecino dhe me pas Babacar ne te 70-en. Atëherë kur mendohej se gjithçka ishte zgjidhur ne mënyrën me te lehte per vendasit, ishte Inter qe dhuroi emocione te forta ne finalen e takimit, duke gjetur dy here rrjetën me bomberin Ikardi ne minutat 88 dhe 91, ndërsa ne nje moment edhe mund te kishte barazuar rezultatin.
Fale te te përhershmit Antuan Grizman i cili gjeti rrjetën ne minutën e 73 te takimit, Atletiko e Madridit fitoi ne fushën e Espanjoll 1-0, duke vazhduar serine e rezultateve pozitive, ku nuk humbet qe nga 26 shkurti. Tre pike te arta per skuadrat e Diego Simeones qe mbajti edhe pas kësaj jave vendin e trete ne renditjen e përgjithshme. Një ndeshje qe ne fakt skuadra nga Madridi vuajti shume përballe vendasve jo vetëm deri ne momentin e shënimit te golit, por edhe ne fundin e takimit. Për sulmuesin francez goli me numër 100 ne La Liga dhe i 16-ti për kete sezon me fanellën e Atletikos.
