Kur duhet edhe nje jave nga përfundimi i kampionatit, Inter i jep fund nje serie negative te 8 ndeshjeve pa fitore. Ne javën e 37 te serisë A, zikalterit arritën te përmbysnin shifrat, duke mundur 3-1 ne stadiumin Olimpiko, Lacion. Një sfide qe nuk filloi ne mënyrën me te mire per Inter qe ne minutën e 18 e pa veten ne disavantazh kur Keita nga pika e bardhe e penalltisë mposhti portierin Handanovic.
Pas golit te shënuar lacialet ulen ritmin duke i dhëne kohen e duhur per organizimin skuadrës kundërshtare. Dhe ne minutën 31 Andreoli solli gjithçka ne baraspeshe, duke shënuar ne portën e Vargic. 6 minuta me vone Inter kaloi per here te pare ne avantazh me autogolin e Hoed, duke shfrytëzuar edhe nje lodhje te Lacios e konsumuar ne kupën e Italisë si nga ana psikologjike ashtu dhe fizike. Pushimi i pjesës se pare nuk i shërbeu aspak vendasve per motivimin, ne te kundërt Inter e nisi ne mënyrën me te mire, duke krijuar hapësira ne prapavijën e te zotëve te shtëpisë. I vetmi rast per vendasit traversa e Imobile ne minutën e 57. Gjithsesi episodi qe do te mbyllte takimin do te vinte ne minutën e 66 kur Keita do te largohej me karton te kuq.
Pas nje kontakti Medel Keita, gjyqtari e konsideroi nje simulim te lojtarit te Lacios, duke i dhëne kartonin e dyte te verdhe. Ne minutën e 74 Inter shënoi dhe golin e trete me Eder, ndërsa 4 minuta me vone si rrjedhoje e nervozizmit Lacio përfundoi me 9 lojtare pas daljes me te kuqe edhe te boshnjakut Lulic. Nje fitore qe me shume i dha fund rezultateve negative, pasi 4 pike larg vendit te 6-te Inter e ka te pamundur te marre pjese ne kupat e europes sezonin e ardhshëm.
