Instat ka publikuar këtë të premte të dhënat demografike për lindjet dhe vdekjet në Shqipëri përgjatë vitit 2020, vit në të cilin mbizotëroi pandemia.
Në raport, sipas Vizion Plus, thuhet se gjatë vitit 2020, lindën 28.075 foshnja, duke shënuar një rënie me 1,7 %, krahasuar me një vit më parë.
Po ashtu, humben jetën 27605 persona, me një rritje prej 25,8 %, krahasuar me një vit më parë.
Fjala është për 5668 vdekje më shumë, që mund të lidhen me shkaqet e pandemisë.
Instat vë në dukje se në vitin 2020 shtesa natyrore ishte 470 lindje më shumë se vdekje.
Ky trend ka ardhur në rënie vit pas viti, pasi ne 2017-ën, shtesa natyrore ishte mbi 8600.
