India ka testuar me sukses raketën e parë balistike ndërkontinentale me distancë të gjatë. Lajmin e bëri të ditur Ministria e Mbrojtjes.
Testimi u krye mëngjesin e kësaj të enjteje, në brigjet e shtetit lindor të Odishës.
Autoritetet indiane e quajtën testimin një “sukses të madh” për aftësinë mbrojtëse të vendit.
Por testimi i raketës së quajtur “Agni-V” e cila mendohet të jetë raketa më e përparuar indiane, ka shkaktuar zemërimin e dy kundërshtarëve më të rëndësishëm të Indisë, Pakistanit dhe Kinës, pas një përkeqësimi të ndjeshëm të marrëdhënieve mes tyre vitin e kaluar, mbi kufirin në rajonin Himalajan.
Raketa është testuar 5 herë që nga viti 2012, por prova rezultoi e suksesshme këtë të enjte.
Sipas Federatës së Shkencëtarëve Amerikanë, India posedon më shumë se 120 koka bërthamore në arsenalin e saj. Testimi i raketës së re bërthamore, nuk tregon ndonjë aftësi të re, por synimin e Indisë për t’u futur në rangun operativ.
India, së bashku me Pakistanin dhe Korenë e Veriut, janë ndër 13 vendet që nuk kanë nënshkruar Traktatin Gjithëpërfshirës të Programit Bërthamor.
