India ka bërë të mundur ndërtimin e statujës më të lartë në botë. “Statuja e unitetit”, është përmendorja e një prej udhëheqësve të vendit Sardar Vallabai Patel, 182 metra e lartë, e cila është afërsisht dy herë me e lartë se sa “Statuja e lirisë”, që ndodhet në Nju Jork.
Ceremonia e inagurimit u shoqërua me shfaqje të avionëve ushtarakë që hodhën petale lulesh mbi statujë, shoqëruar më pas me fishekzjarre. Kryeministri Narendra Modi ishte nismëtari i ndërtimit të statujës prej bronxi, me një vlerë prej 400 milionë dollarësh.
Sardar Vallabai Patel-it i njihet merita për bashkimin e shteteve të ndryshme të Indisë, pas fitores së pavarësisë së vendit në vitin 1947, kohë kur ai shërbente si ministër i brendshëm.
