Rreth 200 mijë kontenierë që ishin nisur për në Greqi nuk kanë mbërritur në portin e Pireut. Shkak për këtë është bërë bllokada që është vendosur në Detin e Kuq nga sulmet e Huthëve të Jemenit.
Këtë gjë e ka bërë të ditur presidenti i Dhomës Profesionale të Athinës, Janis Hatzitheodosiou në një intervistë për media greke ERT, teksa shton se vonesa për mbërritjen e kontenierëve do zgjasë nga 15-20 ditë.
“Aktualisht, rreth 200,000 kontejnerë nuk kanë mbërritur në Pire për shkak të bllokadës dhe në thelb ajo që këto anije janë të detyruara të bëjnë është të qarkullojnë Afrikën , që do të thotë një vonesë prej 15 deri në 20 ditë“, shpjegoi Hatzitheodosiou.
Presidenti u shpreh se kjo vonesë, përveç kohës më të gjatë të dorëzimit, ndikon edhe në koston e transportit, duke vënë në dukje se çdo kontenier tashmë është i ngarkuar me 6000 dollarë mall.
Sipas tij, 40% e importeve në Greqi vijnë nga Lindja e Largët dhe kanë të bëjnë kryesisht me artikuj elektrike dhe elektronike, veshje etj./vizionplus.tv
