Marrëdhëniet mes Turqisë dhe Holandës kane arritur kulmin, pasi ministrja turke e familjes nuk u lejua te mbante nje tubim per referendumin e presidentit Erdoan ne Roterdam. Fatma Betul Sayan Kaya, nuk u lejua te hynte ne konsullate dhe u debua nga policia ne kufirin gjerman, me argumentin se nuk mund te lejohen tensione ne prag te zgjedhjeve parlamentare. I menjëhershëm ishte edhe reagimi i Erdoan, qe deklaroi se Holanda do ta paguaje qe nuk e lejoi ministren te hyje ne konsullatën turke.
“Maska e Europes u hoq dhe fytyra e vërtetë e saj doli përpara botes. Ngjarjet e fundit treguan shenja te rritjes se fashizmit, racizmit dhe islamofobise. Kisha menduar se nazizmi kishte marre fund, por e kisha gabim. Nazizmi është i gjalle ne Perëndim. Perëndimi tregoi fytyrën e vërtetë te tij. Nëse Holanda sakrifikon marrëdhënien me Turqinë per zgjedhjet qe do te mbaje, do ta paguaje”.
Erdogan kërkoi nga organizatat ndërkombëtare te vendosin sanksione ndaj Holandës. Edhe Ministri i Jashtëm, Caushoglu foli ashpër, duke e quajtur Holandën kryeqytetin e nazizmit.
Megjithatë, kryeministri holandez Mark Rutte është përpjekur te ule tonet. Edhe pse u shpreh se ideja e hedhur nga Turqia qe Holanda te kërkoje falje është e çuditshme, ai tha se do te beje gjithçka per te ulur konfrontimin, me te rendin e viteve te fundit.
Ndryshe nga vende si Gjermania, Austria, Holanda e Zvicra, qe nuk kane lejuar mbajtjen e tubimeve te zyrtareve turq, Franca ka mbajtur tjetër qëndrim. Ministri i Jashtëm turk Caushoglu mundi ta zhvilloje nje miting ne qytetin Metz. Autoritetet franceze kane bere thirrje qe palet te ruajnë qetësinë.
