Aktivisti i “Qendresës Qytetare”, Migen Qiraxhi, i ftuar në “Quo Vadis”, tha se grabitja e bankës ditën e sotme vjen si pasojë e pabarazisë.
Ai tha se në një shoqëri si e jona, ku pabarazia thellohet gjithmonë e më shumë dhe qytetarët dalin nga pozitat e tyre, kjo i shtyn këta të fundit drejt krimeve të tilla.
“Mua më shqetëson si rast, sepse nuk është se kemi të bëjmë me përballje me krimin e organizuar. Bëhet shumë e vështirë kur një individ del nga pozitat e qytetarit dhe kryen akte banale. Ky është tregues që shoqëria qytetarin e vet e ka vënë nën presionin e pabarazisë, duke e shtyrë drejt gjërave të tilla. Pra, i jep legjitimitet vetes për të kryer një krim. Po ta shikoni, ai thotë se unë meritoja një pozicion tjetër, pra pabarazia është theksuar shumë. Momenti më i rrezikshëm për një shoqëri është kur qytetari del nga pozitat e veta”, u shpreh Qiraxhi.
