Anëtarja e Komitetit Teknik të Ekspertëve, Gjeorgjina Kuli deklaroi nga studioja e “Quo Vadis” se në spitalin COVID 3 janë të shtruar ata pacientë që e kanë kaluar gjendjen e rrezikut. Ajo tha se nëse situata rëndohet, do të hapet COVID 4.
“Strategjia për ditët e para është kalon një pjesë e pacientëve që e kanë kaluar periudhën e rrezikut dhe kanë nevojë për shërim dhe rehabilitim të COVID. Janë në një formë të mesme dhe kërkojnë ndjekje spitalore janë të hospitalizuar në spitalin COVID 3. Skenari është që hapet COVID 4. Kemi disa skenarë, kemi menduar edhe piketuar disa drafte edhe për hapjen e spitaleve në disa rrethe, kështu që sigurisht që ka një strategji që do të ndiqet hap pas hapi.”
Sipas shefes së Shërbimit të Pediatrisë Infektive, situata bëhet shqetësuese nëse 500 shtretër në spitale zihen.
