Francë, incident me testimin e ilaçeve

Prokuroria franceze nisi hetimet, pasi një person pësoi vdekje te trurit dhe pese te tjerë janë ne gjendje kritike, pas testimit te nje medikamenti. Ilaçi qetësues me bazë kanabisin, i prodhuar nga kompania portugeze Bial, nuk ishte miratuar nga ministria franceze e Shëndetësisë. Megjithatë, ai u testua tek 90 persona ne nje laborator privat. Ministrja e Shendetesise, Marisol Touraine premtoi se ky incident tragjik do të hetohet me kujdes. Per momentin nuk ka asnje ilaç qe te kundërveproje ndaj tij. Ilaçi per qetësimin e dhimbjeve po testohej qe nga muaji korrik dhe merrej nga goja, por me pare nuk ishin shfaqur probleme tek ata qe e përdornin. Testimi i ilaçeve eksperimentale, ndonëse mund te mbarte edhe rreziqe, është i rendesishem per kurimin e sëmundjeve, si kanceri. Pas testimit tek kafshët ato testohen tek vullnetaret duke u shtuar gradualisht dozën, per te konstatuar nëse kane efekte anësore. Me pas testimi vijon tek personat me probleme shëndetësore. Mijëra njerëz marrin pjese çdo vit ne testimin e medikamenteve dhe incidente te tilla janë te rralla.