Për herë të parë, euro zbriti këtë të hënë poshtë kufirit të 112 lekëve. Sipas kursit zyrtar të Bankës së Shqipërisë, 1 euro këmbehet me 111.8 lekë, duke regjistruar kështu një rekord të ri historik.
Ekspertët e shpjegojnë këtë nënçmim të vazhdueshëm të monedhës europiane, me ofertën e lartë që gjendet në treg, ku sipas tyre, rol të veçantë po luan fushata elektorale, por edhe prurjet informale.
Zhvlerësimi i euros nuk po ndalet edhe pse Banka e Shqipërisë ka blerë në shuma të konsiderueshme, për të administruar rezervën valutore.
Pasiguritë për një forcim të mundshëm të monedhës së huaj shtohen kur jemi vetëm pak ditë përpara çeljes së sezonit turistik, periudhë kur ‘tradita’ është që euro vetëm dobësohet.
