Ish-presidenti meksikan Enrique Peña Nieto akuzohet se pranoi një ryshfet prej $ 100m (77 milion euro) nga bosi i karteleve të drogës, Joaquín “El Chapo” Guzmán, nga një dëshmitar në gjyqin që po zhvillohet në SHBA.

 

Alex Cifuentes, i cili thotë se ishte një bashkëpunëtor i ngushtë i Guzmán për vite me radhë, deklaroi në gjykatën e New York City se i kishte informuar autoritetet mbi ryshfetin në vitin 2016.

 

Guzmán akuzohet se qëndron pas kartelit të drogës Sinaloa, për të cilin prokurorët thonë se ishte furnizuesi më i madh i drogës në SHBA.

 

Peña Nieto shërbeu si president i Meksikës nga 2012 në 2018.

 

Guzmán, 61 vjeç, është në gjyq në Bruklin që nga nëntori pasi u ekstradua nga Meksika për t’u përballur me akuzat për trafikim të kokainës, heroinës dhe drogave të tjera si udhëheqës i asaj që SHBA e quajti karteli më i madh i drogës në botë.

Leave a Reply

Your email address will not be published. Required fields are marked *